Венеција и Милано за Велигден

Опис

Венеција и Милано за Велигден

Ако сакате убав викенд исполнет со посета на многу уникатни европски гратчиња, одиме да ја истражуваме Италија за Велигденските празници Ќе ги посетиме Венеција, градот Милано и секако ќе направиме шопинг во Noventa di Piave Designer Outlet, а ќе пиеме кафе во Трст.

ПРВ ДЕН (02.05.2024) Четврток
Местото на собир на групата на паркингот кај хотел Русија во 16.30 часот. Поаѓање за Италија во 17.00 часот. Патувањето се одвива преку Србија, Хрватска и Словенија со попатни паузи за одмор и обавување на царински формалности. Ноќно возење.

ВТОР ДЕН (03.05.2024) Петок
Пристигнување во утринските часови во Трст. Слободно време за индивидуална прошетка (околу 2 часа) низ центарот на Трст, плоштадот Piazza Unità d’Italia, античкиот театар, катедралата на Сан Густо, паркот направен во чест на паднатите борци, српската црква св. Спиридон… Во договореното време, поаѓање кон Лидо ди Јесоло, со попатна посета на познатиот шопинг центар Noventa di Piave Designer Outlet (околу 2 часа), кој е познат по ниските цени за сите познати дизајнерски брендови. Продолжување кон Лидо ди Јесоло и сместување во хотел. Слободно време за ноќна прошетка низ Лидо ди Јесоло. Ноќевање.

ТРЕТ ДЕН (04.05.2024) Сабота
По појадокот во хотел групата се упатува на целодневна факултативна екскурзија во Милано… Замокот Sforzesco, Arco de la Pace, паркот Sempione, населбата Brera, познатата опера Scala di Milano, галеријата Vittorio Emanuele II, и се разбира познатата миланска катедрала, Il Duomo di Milano. По разгледот на градот со локалниот водич, слободно време за индивидуална прошетка низ градот на модата, можност да пробате некој од локалните специјалитети, како што се миланското рижото, познатото џелато, панцерота, тестенини или пица во големиот број ресторани сместени во преубавиот центар на градот. Во попладневните часови поаѓање назад кон Лидо ди Јесоло. Ноќевање

ЧЕТВРТИ ДЕН (05.05.2024) Недела
По појадок во хотелот, одјавување и поаѓање кон Пунта Сабиони, пристаништето каде со брод се упатуваме кон безвременскиот град на вода, Венеција. Плоштадот Сан Марко, Дуждевата палата, каналот Гранде, мостот Риалто…. Слободно време за индивидуална прошетка. Во договорено време, од пристаништето во Венеција, се упатуваме кон Пунта Сабиони. Поаѓање кон Македонија. Ноќно возење преку Словенија, Хрватска, Србија со попатни паузи за одмор и обавување царински формалности. ПЕТТИ ДЕН (06.05.2024) Понеделник. Пристигнување во Македонија околу 13 часот.

Цена 119 евра
Сместувањето е во хотел со 3 ѕвезди на база ноќевање со појадок во туристичкото место Лидо Ди Јесоло.

Што е вклучено во цената
2 ноќевања во хотел со 3* со појадок
Автобуски превоз од Скопје
Посета на Трст и Noventa di Piave Designer Outlet
Лиценциран придружник


Што не е вклучено во цената
Патничко осигурување
Туристичка такса за влез во Венеција – 5 евра по лице (се плаќа во агенција)
Задолжителна посета на Венеција со брод и локален водич – 25е
Факултативна посета на Милано со локален водич – 55е
Туристичка такса (околу 5 евра се плаќа на рецепција во хотелот)
Индивидуални трошоци (влезници за музеите)

Важно
За реализација на овој аранжман се потребни минимум 50 патници.
Задолжителна проверка на пасошот. Треба да има минимум важност 6 месеци Хотелот одредува на лице место во зависност од моменталната состојба каков тип на соба ќе добиете.
Резервации за одреден кат или страна не е можна.
Селекција на седиште во автобус! Според правилата на агенцијата, патниците се сместуваат според временската линија на уплати.
Доколку имате барање за седиште, истото се доплаќа 15 евра за во два правци.
Доплата за еднокреветна соба 40 евра
Доплата за дете до 11.99 години – 129 евра
Трансфер од Битола, Прилеп и Гевгелија – 10 еур по лице (во правец)
Трансфер од Штип, Неготино, Кавадарци, Велес – 5 еур по лице (во правец)